Raghavendra Swamy Mutt Udupi | ಜೀವನ ಮತ್ತು ಮಠದ ಇತಿಹಾಸ.

ಉಡುಪಿ ಶ್ರೀ ರಾಘವೇಂದ್ರ ಮಠ (Raghavendra Swamy Mutt Udupi) – ಇತಿಹಾಸ, ಪವಿತ್ರತೆ, ಗುರುರಾಯರ ದಿವ್ಯ ಮಹಿಮೆ ಮತ್ತು ಭಕ್ತರ ಅನುಭವಗಳ ಸಂಪೂರ್ಣ ಲೇಖನ.

ಕರ್ನಾಟಕದ ಭಕ್ತಿಯ ಸಂಪ್ರದಾಯದಲ್ಲಿ ಶ್ರೀ ರಾಘವೇಂದ್ರ ಸ್ವಾಮಿಗಳ (Raghavendra Swamy Mutt Udupi) ಹೆಸರು ಕೇಳದವರು ಯಾರು ಇಲ್ಲವೆಂದು ಹೇಳಬಹುದು. ಮಂತ್ರಾಲಯದಿಂದ ಉಡುಪಿವರೆಗೂ, ಕರ್ನಾಟಕದಿಂದ ಭಾರತದ ಅನೇಕ ಭಾಗಗಳವರೆಗೆ ಗುರುರಾಯರ ಭಕ್ತರು ಲಕ್ಷಾಂತರ ಸಂಖ್ಯೆಯಲ್ಲಿ ಇದ್ದಾರೆ. ಗುರುರಾಯರು ಎಲ್ಲಾ ನೀನೆ , ನೀನೆ ಕೈ ಹಿಡಿದು ನಡೆಸು ಎಂದರೆ , ನಿಮ್ಮ ಕಷ್ಟ ಕಾರ್ಪಣ್ಯ ದೂರ ಮಾಡಿ ನಿಮ್ಮ ಕೈ ಹಿಡಿದು ನಡೆಸುವರು .

ರಾಘವೇಂದ್ರ ಸ್ವಾಮಿಗಳ ಜೀವನ ಪಯಣ – ಮಠದ ಬೇರುಗಳು ಇಲ್ಲಿಂದ ಆರಂಭ.

ಶ್ರೀ ರಾಘವೇಂದ್ರ ತೀರ್ಥರು ಇಂದಿನ ತಮಿಳುನಾಡಿನ ಭುವನಗಿರಿ ಪಟ್ಟಣದಲ್ಲಿ, ಗೌತಮ ಗೋತ್ರದ ಕನ್ನಡ ಮಾಧ್ವ ಬ್ರಾಹ್ಮಣ ಕುಟುಂಬದಲ್ಲಿ ವೆಂಕಟನಾಥರಾಗಿ ಜನಿಸಿದರು. ಅವರ ಕುಟುಂಬವೇ ಸಂಗೀತ, ಶಾಸ್ತ್ರ ಮತ್ತು ವೇದಾಂತದಲ್ಲಿ ಪ್ರಸಿದ್ಧವಾಗಿತ್ತು.

ಅವರ ಮುತ್ತಜ್ಜ ಕೃಷ್ಣ ಭಟ್ಟರು ವಿಜಯನಗರ ಸಾಮ್ರಾಜ್ಯದ ಮಹಾನ್ ಅರಸರಾದ ಕೃಷ್ಣದೇವರಾಯರಿಗೆ ಬೋಧಕರಾಗಿದ್ದರೆ, ಅವರ ಅಜ್ಜ ಕನಕಾಚಲ ಭಟ್ಟರು ಮತ್ತು ತಂದೆ ತಿಮ್ಮಣ್ಣ ಭಟ್ಟರು (ತಿಮ್ಮಣ್ಣಾಚಾರ್ಯ ಎಂದೂ ಕರೆಯಲ್ಪಟ್ಟವರು) ಶ್ರೇಷ್ಠ ವಿದ್ವಾಂಸರೂ, ನಿಪುಣ ಸಂಗೀತಜ್ಞರೂ ಆಗಿದ್ದರು.

ವಿಜಯನಗರ ಸಾಮ್ರಾಜ್ಯದ ಪತನದ ನಂತರ, ತಿಮ್ಮಣ್ಣಾಚಾರ್ಯರು ಮತ್ತು ಅವರ ಪತ್ನಿ ಗೋಪಿಕಾಂಬ ಕಾಂಚೀಪುರಕ್ಕೆ ವಲಸೆ ಹೋದರು. ವೆಂಕಟನಾಥರಿಗೆ ಇಬ್ಬರು ಒಡಹುಟ್ಟಿದವರು — ಗುರುರಾಜ ಮತ್ತು ವೆಂಕಟಾಂಬ.
ತಂದೆಯ ಅಕಾಲಿಕ ಮರಣದ ನಂತರ, ವೆಂಕಟನಾಥರ ಶಿಕ್ಷಣ ಮತ್ತು ಸಂಸ್ಕಾರವನ್ನು ಅವರ ಸೋದರ ಮಾವ ಲಕ್ಷ್ಮೀನರಸಿಂಹಾಚಾರ್ಯರು ಮಧುರೈನಲ್ಲಿ ನೋಡಿಕೊಂಡರು. ಈ ಅವಧಿಯಲ್ಲಿಯೇ ಅವರು ಉತ್ತಮ ವೇದ-ಶಾಸ್ತ್ರಗಳಲ್ಲಿ ನಿಪುಣತೆ ಪಡೆದರು ಮತ್ತು ನಂತರ ವಿವಾಹ ಜೀವನಕ್ಕಿಳಿದರು.

ಸಂನ್ಯಾಸ ಸ್ವೀಕಾರ ಮತ್ತು ಕುಂಭಕೋಣಂ ಮಠದ ಪೀಠಾಧಿಪತ್ಯ

ಸುಮಾರು 1624ರಲ್ಲಿ, ವೆಂಕಟನಾಥರು ಸಂನ್ಯಾಸ ದೀಕ್ಷೆ ಸ್ವೀಕರಿಸಿ ರಾಘವೇಂದ್ರ ತೀರ್ಥರು ಎನಿಸಿಕೊಂಡರು ಮತ್ತು ಕುಂಭಕೋಣಂ ಮಠದ ಪೀಠಾಧಿಪತಿಗಳಾದರು.
ಆ ಸಮಯದಲ್ಲಿ ಈ ಮಠವನ್ನು ವಿಜಯೀಂದ್ರ ಮಠ ಅಥವಾ ದಕ್ಷಿಣಾದಿ ಮಠ ಎಂದು ಕರೆಯಲಾಗುತ್ತಿತ್ತು. ಇಂದಿನ ದಿನಗಳಲ್ಲಿ ಇದು ವಿಶ್ವಪ್ರಸಿದ್ಧವಾದ ಮಂತ್ರಾಲಯ ಶ್ರೀ ರಾಘವೇಂದ್ರ ಸ್ವಾಮಿ ಮಠವೆಂದು ಕರೆಸಿಕೊಳ್ಳುತ್ತದೆ.

ದ್ವೈತ ತತ್ವದ ಮೂರು ಪ್ರಮುಖ ಮಠಗಳಾದ:

ವ್ಯಾಸರಾಜ ಮಠ

ಉತ್ತರಾದಿ ಮಠ

ರಾಘವೇಂದ್ರ ಮಠ (ಕುಂಭಕೋಣಂ → ಮಂತ್ರಾಲಯ)

ಇವನ್ನೆಲ್ಲ ಒಟ್ಟಿಗೆ ಮಠತ್ರಯ ಎಂದು ಕರೆಯುತ್ತಾರೆ.

ತೀರ್ಥಯಾತ್ರೆಗಳು ಮತ್ತು ಧಾರ್ಮಿಕ ಪ್ರವಚನಗಳು

ಕುಂಭಕೋಣಂನಲ್ಲಿ ಅಲ್ಪಕಾಲ ಉಳಿದ ನಂತರ, ರಾಘವೇಂದ್ರ ಸ್ವಾಮಿಗಳು ಭಾರತದ ಅನೇಕ ಪವಿತ್ರ ಕ್ಷೇತ್ರಗಳಿಗೆ ವ್ಯಾಪಕ ತೀರ್ಥಯಾತ್ರೆ ನಡೆಸಿದರು. ಅವರು ಭೇಟಿ ನೀಡಿದ ಸ್ಥಳಗಳಲ್ಲಿ:

ರಾಮೇಶ್ವರಂ

ರಾಮನಾಡು

ಶ್ರೀರಂಗಂ

ಮಥುರಾ

ಉಡುಪಿ

ಸುಬ್ರಹ್ಮಣ್ಯ

ಪಂಢರಪುರ

ಕೊಲ್ಹಾಪುರ

ಬಿಜಾಪುರ

ಕೊಲ್ಹಾಪುರದಲ್ಲಿ ಅವರು ಹೆಚ್ಚಿನ ಸಮಯ ತಂಗಿ, ಭಕ್ತರಲ್ಲಿ ದ್ವೈತ ತತ್ವದ ಜ್ಞಾನವನ್ನು ಹರಿಸಿದರು. ಬಿಜಾಪುರದಲ್ಲಿ ಅವರು ಹಲವಾರು ಅದ್ವೈತ ತತ್ವಜ್ಞರನ್ನು ವಾದಗಳಲ್ಲಿ ಸೋಲಿಸಿ, ದ್ವೈತ ತತ್ವದ ಶಕ್ತಿಯನ್ನು ತೋರಿಸಿದರೆಂದು ಪರಂಪರೆಯಲ್ಲಿ ನಂಬಿಕೆ ಇದೆ.

ಮೈಸೂರು ಮತ್ತು ಮಂತ್ರಾಲಯ – ಅಂತಿಮ ಜೀವನದ ಪಯಣ

ಬಳಿಕ ಅವರು ಕುಂಭಕೋಣಂಗೆ ಮರಳಿ, ನಂತರ 1663ರ ಸುಮಾರಿಗೆ ಮೈಸೂರಿಗೆ ತೆರಳಿದರು. ಮೈಸೂರಿನ ಒಡೆಯರಾದ ದೊಡ್ಡದೇವರಾಜ ಒಡೆಯರ್ ಅವರು ಸ್ವಾಮಿಗಳನ್ನು ಗೌರವದಿಂದ ಸ್ವಾಗತಿಸಿ ಅನುದಾನ ನೀಡಿದರು.

ಕಳೆದ ಜೀವನದ ಪವಿತ್ರ ಸೇವೆಯನ್ನು ಮುಂದುವರಿಸುವ ಉದ್ದೇಶದಿಂದ, ಕೊನೆಗೆ ಸ್ವಾಮಿಗಳು ಮಂತ್ರಾಲಯ ಎಂಬ ಶಾಂತ ಪವಿತ್ರ ತಾಣವನ್ನು ತಮ್ಮ ವಾಸಸ್ಥಳವಾಗಿ ಆಯ್ದುಕೊಂಡರು. ಇಲ್ಲಿಯೇ ಅವರು “ಜೀವಂತ ಸಮಾಧಿ”ಯಲ್ಲಿ ಪ್ರವೇಶಿಸಿ, ಇಂದಿಗೂ ಭಕ್ತರಿಗೆ ಅನುಗ್ರಹ ನೀಡುತ್ತಿದ್ದಾರೆ ಎಂಬ ನಂಬಿಕೆ ಲಕ್ಷಾಂತರ ಭಕ್ತರಲ್ಲಿ ಗಟ್ಟಿಯಾಗಿ ನೆಲಸಿದೆ.

ಉಡುಪಿ ಶ್ರೀ ರಾಘವೇಂದ್ರ ಮಠದ ಸ್ಥಾಪನೆ ಮತ್ತು ವಿಕಾಸ

ಉಡುಪಿ ಮಧ್ವಾಚಾರ್ಯರ ಆಸ್ಥಾನ. ಈಲ್ಲಿ ಮಧ್ವ ಸಂಪ್ರದಾಯಧ ಅಷ್ಟ ಮಠಗಳಿವೆ . ಈ ಆತ್ಮೀಯ, ಧಾರ್ಮಿಕ ವಾತಾವರಣದಲ್ಲೇ ಗುರುರಾಯರ ಪರಂಪರೆಯನ್ನು ಜನಸಾಮಾನ್ಯರಿಗೆ ತಲುಪಿಸುವ ಉದ್ದೇಶದಿಂದ ಉಡುಪಿ ಶ್ರೀ ರಾಘವೇಂದ್ರ ಮಠದ ಸ್ಥಾಪನೆ ನಡೆಯಿತು.

ಮಠದ ಉದ್ದೇಶಗಳು:

ಗುರುರಾಯರ ತತ್ವ, ಉಪದೇಶ, ಮತ್ತು ಪೂಜೆ ಸಂಸ್ಕೃತಿಯನ್ನು ಉಳಿಸಿ ಬೆಳೆಸುವುದು.

ಧಾರ್ಮಿಕ ಶಿಕ್ಷಣ ಮತ್ತು ಅಧ್ಯಯನಕ್ಕೆ ಕೇಂದ್ರವಾಗಿರುವುದು.

ಭಕ್ತರಿಗೆ ಅಹೋರಾತ್ರಿ ದರ್ಶನ, ಪೂಜೆ ಮತ್ತು ಸೇವಾ ಅವಕಾಶ ಕಲ್ಪಿಸುವುದು.

ಸಾಮಾಜಿಕ ಸೇವಾ ಚಟುವಟಿಕೆಗಳ ಮೂಲಕ ಸಮಾಜಕ್ಕೆ ಕೊಡುಗೆ ನೀಡುವುದು.

ಇಂದು ಉಡುಪಿ ಶ್ರೀ ರಾಘವೇಂದ್ರ ಮಠವು ಸಾಂಪ್ರದಾಯಿಕ ಮಠಗಳಲ್ಲೊಂದು ಮಾತ್ರವಲ್ಲ; ಇದು ಉಡುಪಿಯ ಧಾರ್ಮಿಕ ಪ್ರವಾಸೋದ್ಯಮದ ಪ್ರಮುಖ ತಾಣವಾಗಿದೆ.

ಉಡುಪಿ ಶ್ರೀ ರಾಘವೇಂದ್ರ ಮಠಕ್ಕೆ ಹೇಗೆ ಹೋಗಬೇಕು?

ಉಡುಪಿ ನಗರದಲ್ಲಿರುವ ಮಠಕ್ಕೆ ತಲುಪುವುದು ಅತ್ಯಂತ ಸುಲಭ.

ಸಾರಿಗೆ ಮಾರ್ಗಗಳು:

KSRTC ಬಸ್‌ಗಳು – ಮಠದ ಹತ್ತಿರ ನಿಲ್ದಾಣ

ಸ್ಥಳೀಯ ಬಸ್ ಹಾಗೂ ಆಟೋ

ಉಡುಪಿ ರೈಲು ನಿಲ್ದಾಣದಿಂದ: 10–15 ನಿಮಿಷ

ಮಂಗಳೂರು ವಿಮಾನ ನಿಲ್ದಾಣದಿಂದ: 60–70 ನಿಮಿಷ ರಸ್ತೆ ಮಾರ್ಗ

Google Maps ನಲ್ಲಿ “Udupi Sri Raghavendra Mutt” ಹುಡುಕಿದರೆ ನಿಖರ ಮಾರ್ಗ ಸೂಚನೆ ದೊರೆಯುತ್ತದೆ.