ನಾನು ಕಂಡ ತುಳುನಾಡಿನ (tulunadu) ನಿಜವಾದ ರೂಪ

ತುಳುನಾಡು-tulunadu .. ಈ ಪದವನ್ನು ಉಚ್ಚರಿಸಿದಾಗಲೆ ನಮಗೆ ಮನಸಲ್ಲಿ ಬರುವ ಒಂದೇ ನೆನಪು, ಎಷ್ಟು ಸುಂದರ ನಾಡು ನಮ್ಮದು ಅಲ್ವಾ . ಇಲ್ಲಿನ ಕಾಡು, ಹಕ್ಕಿಗಳ ಕಲರವ , ಪ್ರೀತಿ ತೋರುವ ಜನ , ಸಹ್ಯಾದ್ರಿ ಪರ್ವತ ಸಾಲು, ಸಮುದ್ರ ಮತ್ತು ಎಲ್ಲಿ ಉಕ್ಕಿ ಹರಿಯುವ ನದಿಗಳು.

ಇಲ್ಲಿ ನೆನಪಿಗೆ ಉಳಿಯೋದು ಅಂದ್ರೆ ಮಾನ್ಸೂನ್ ಮಳೆ , ಆ ಆರ್ಭಟ ಮಳೆಯಲ್ಲಿ ಕೊಡೆ ಹಿಡ್ಕೊಂಡ್ ಹೋಗುವುದೇ ಒಂದು ರೋಚಕ ಅನುಭವ . ತುಳುನಾಡು ಕರ್ನಾಟಕದ ದಕ್ಷಿಣ ತೀರ ಭಾಗವನ್ನು ಒಳಗೊಂಡಿರುವ ಈ ನೆಲ, ಕೇವಲ ಭೂಗೋಳದ ಒಂದು ಭಾಗವಲ್ಲ; ಇದು ಜಾತ್ಯಾತೀತ ಸಂಸ್ಕೃತಿಯನ್ನು ಒಳಗೊಂಡಿರುವ ಪರಂಪರೆಯ ಸಂಸಾರ, ಅದ್ವಿತೀಯ ಸಂಪ್ರದಾಯಗಳ ತಾಯಿ, ಮತ್ತು ಶತಮಾನಗಳ ಇತಿಹಾಸವನ್ನು ಹೊತ್ತಿರುವ ಆಧ್ಯಾತ್ಮಿಕ ನೆಲ.

ತುಳುನಾಡಿನ-tulunadu ಭೌಗೋಳಿಕ ಪರಿಚಯ

ತುಳು ಭಾಷೆಯ ಪ್ರಾಬಲ್ಯವಿರುವ ಪ್ರದೇಶಗಳನ್ನು ಒಟ್ಟು ಸೇರಿಸಿ ‘ತುಳುನಾಡು’ ಎಂದು ಕರೆಯಲಾಗುತ್ತದೆ. ಉಡುಪಿ, ಮಂಗಳೂರು, ಕಾಸರಗೋಡು, ಸುಳ್ಯ, ಭಾಗಶಃ ಬೆಳ್ತಂಗಡಿ, ಕರ್ಕಳ, ಕುಂದಾಪುರ ಮತ್ತು ಕೆಲವು ಸಣ್ಣ ಕಡೆಗಳು ಸೇರಿ ಈ ಪ್ರದೇಶದ ಕಲ್ಪನೆ ಆಗುತ್ತದೆ.

ಸಮುದ್ರದ ಅಲೆ, ಪಶ್ಚಿಮಘಟ್ಟದ ಪರ್ವತ, ಹಸಿರು ತೋಟಗಳು, ದೇವಸ್ಥಾನಗಳು , ಮತ್ತು ಶ್ರಮಜೀವಿಗಳ ದುಡಿಯುವ ಕೈಬೆರಳು—ಇವೆಲ್ಲವನ್ನೂ ಒಂದೇ ನೆಲದಲ್ಲಿ ಕಾಣುವುದು ತುಳುನಾಡಿನಲ್ಲಿ ಮಾತ್ರ ಸಾಧ್ಯ.

ತುಳುನಾಡಿನ ಇತಿಹಾಸ – ಮೌನವಾದರೂ ಮಹತ್ವದ ಪುಟಗಳು

ತುಳುನಾಡಿನ ಇತಿಹಾಸವು ಬರಹಗಳಲ್ಲಿ ಕಡಿಮೆ ದೊರಕುತ್ತದೆ, ಆದರೆ ಅದರ ಸಂಸ್ಕೃತಿ ಪದ್ದನಗಳು, ದೇವರಾರಾಧನೆ, ಪುರಾತನ ಕಟ್ಟಡಗಳು ಮತ್ತು ಜನಪದ ನೃತ್ಯಗಳಲ್ಲಿ ಇತಿಹಾಸ ಜೀವಂತವಾಗಿದೆ.

ಈ ಪ್ರದೇಶದ ಇತಿಹಾಸವನ್ನು ನಾಲ್ಕು ಮುಖ್ಯ ಹಂತಗಳಿಗೆ ಹಂಚಬಹುದು:

1) ಪ್ರಾಚೀನ ತುಳುನಾಡು (ಕ್ರಿ.ಪೂ. 200 ರಿಂದ ಕ್ರಿ.ಶ. 500)

ತುಳುನಾಡು ತುಂಬಾ ಹಳೆಯ ನಾಗರಿಕತೆಯನ್ನು ಹೊಂದಿದೆ. ಪುರಾತನ ರೋಮನರು, ಪರ್ಷಿಯರು ಮತ್ತು ಅರಬ್ ವ್ಯಾಪಾರಿಗಳು ಈ ತೀರ ಭಾಗಕ್ಕೆ ವ್ಯಾಪಾರದಿಗಾಗಿ ಬರುತ್ತಿದ್ದರು ಮತ್ತು ಈ ಪ್ರದೇಶ ಸಮುದ್ರ ವ್ಯಾಪಾರಕ್ಕೆ ಪ್ರಸಿದ್ಧವಾಗಿತ್ತು – ಸುಗಂಧ ದ್ರವ್ಯಗಳು, ಮೀನಿನ ಉತ್ಪನ್ನಗಳು, ತೆಂಗಿನ ಎಣ್ಣೆ, ಚಕ್ಕುಲಿ, ಮಸಾಲೆಗಳು ಇಲ್ಲಿ ಪ್ರಮುಖ ವಸ್ತುಗಳಾಗಿದ್ದವು. ಈ ಕಾಲದಲ್ಲಿ ತುಳು ಭಾಷೆ ಈಗಾಗಲೇ ರೂಪುಗೊಂಡಿತ್ತು.

2) ಅಲೂಪ ರಾಜವಂಶ (ಕ್ರಿ.ಶ. 450 – 1330)

ಅಲೂಪ ರಾಜವಂಶ ತುಳುನಾಡಿನ ಅತ್ಯಂತ ಪ್ರಭಾವಶಾಲಿ ಆಡಳಿತ ವಂಶ ಆಗಿತ್ತು . ಸುಮಾರು 900 ವರ್ಷಗಳ ಕಾಲ ಆಡಳಿತ ನಡೆಸಿದ ದೀರ್ಘಕಾಲದ ರಾಜವಂಶ ಮತ್ತು ರಾಜಧಾನಿ ಬಾರಕೂರು, ಮಂಗಳೂರು ಉಡುಪಿ ಪ್ರದೇಶದಲ್ಲಿ ಇತ್ತು. ಅಲೂಪ ರಾಜರು ಸಮುದ್ರ ವ್ಯಾಪಾರಕ್ಕೆ ದೊಡ್ಡ ಒತ್ತು ನೀಡಿದ್ಧರು. ಜೈನ ಧರ್ಮ, ಶೈವ ಧರ್ಮ , ಬೂತಾರಾಧನೆ ಈ ಕಾಲದಲ್ಲಿ ಹೆಚ್ಚು ವೃದ್ಧಿ ಕಂಡವು. ಅಲೂಪ ರಾಜವಂಶಸ್ಥರು ‘ಅಲೂಪ’ ಎಂಬ ಹೆಸರಿನಿಂದಲೇ “ಅಲುಪ ರತ್ನ” ಎಂಬ ನಾಣ್ಯವನ್ನೂ ಬಳಸಲಾಗುತ್ತಿತ್ತು.

3) ಜೈನ ಸಂಸ್ಕೃತಿ ಮತ್ತು ತತ್ವಶಕ್ತಿ (ಕ್ರಿ.ಶ. 600 – 1400)

ತುಳುನಾಡಿನ ಹಲವು ಸ್ಥಳಗಳು ಜೈನ ಧರ್ಮದ ಆಧಾರ ಕೇಂದ್ರಗಳಾಗಿದ್ದವು, ಪ್ರಮುಖ ಜೈನ ಕೇಂದ್ರಗಳು , ಮೂಡಬಿದಿರೆ (ಜೈನರ ಕೈಲಾಸ), ಕಾರ್ಕಳ (ಗೊಮಟೇಶ್ವರ), ವೇಣೂರು, ಧರ್ಮಸ್ಥಳ (ಆದಿಯಲ್ಲಿ ಜೈನ ಸಂಸ್ಕೃತಿ). ತುಳುನಾಡಲ್ಲಿ ಜೈನ ಸಂಸ್ಕ್ರತಿಯು ಜೈನ ಶಿಲ್ಪಕಲೆ, ಬಸದಿ, ಶಾಂತಿಯ ಸಂಸ್ಕೃತಿಯ ಕಾರಣ ಪ್ರಸಿದ್ಧವಾಯಿತು ಮತ್ತು ಪರ್ವತಗಳ ಮೇಲೆ ನಿರ್ಮಿಸಿದ ಬೃಹತ್ ಪ್ರತಿಮೆಗಳು ಈ ಭಾಗದ ಸಮೃದ್ಧಿಯನ್ನು ತೋರಿಸುತ್ತವೆ.

4) ಮಧ್ಯಯುಗದಿಂದ ಆಧುನಿಕ ಕಾಲಕ್ಕೆ (ಕ್ರಿ.ಶ. 1500 – ಇಂದಿನವರೆಗೂ)

ಈ ಮಧ್ಯಯುಗದಲ್ಲಿ ತುಳುನಾಡಿನಲ್ಲಿ ಪೋರ್ಚುಗೀಸ್ ಪ್ರಭಾವ ತುಂಬಾನೇ ಇತ್ತು. ಕ್ರಿ.ಶ. 1500ರ ನಂತರ ಪೋರ್ಚುಗೀಸ್‌ಗಳು ಮಂಗಳೂರಿನ ತೀರಕ್ಕೆ ಬಂದು ಅವರು ವ್ಯಾಪಾರ ಮತ್ತು ಕ್ರೈಸ್ತ ಧರ್ಮದ ವಿಸ್ತರಣೆಗೆ ಒತ್ತು ನೀಡಿದರು.

ಮೈಸೂರು ಆಡಳಿತ – ಟಿಪ್ಪು ಸುಲ್ತಾನ್ ಕಾಲ

ಟಿಪ್ಪು ಸುಲ್ತಾನ್ ಕಾಲದಲ್ಲಿ ಮಂಗಳೂರು ಮತ್ತು ಉಡುಪಿ ಭಾಗ ಮೈಸೂರು ರಾಜ್ಯಕ್ಕೆ ಸೇರಿತು.

ತುಳುನಾಡಿನ ಸಾಂಸ್ಕೃತಿಕ ಇತಿಹಾಸ

ತುಳುನಾಡು ಸಾಂಸ್ಕೃತಿಕವಾಗಿ ಸಮೃದ್ದವಾಗಿದೆ . ಇಲ್ಲಿ ಪ್ರಮುಖವಾಗಿ ಭೂತಾರಾಧನೆ , ನಾಗಾರಾಧನೆ, ಭೂತಾರಾಧನೆಯಲ್ಲಿ ಪ್ರಮುಖವಾಗಿ ಆರಾಧಿಸುವ ದೈವಗಳು ಅಂದರೆ :

ಪಂಜುರ್ಲಿ

ಬಾಬ್ಬರಿಯಾ

ಜುಮಾದಿ ಬಂಟ

ಕಲ್ಕುಡ

ಜಾರಂಧಯ

ಅಪ್ಪೆ ಮಂತ್ರದೇವತೆ

ತುಳುನಾಡಲ್ಲಿ ದೈವಗಳನ್ನು ಶಿವನ ಗಣಗಳು ಅಂತಾನೂ ಇಲ್ಲಿಯ ಜನ ನಂಬುತ್ತಾರೆ . ಭೂಮಿ ಅಲ್ಲಿ ಅಧರ್ಮ ನಡೆದಾಗ ಶಿವನು ತನ್ನ ಗಣಗಳನ್ನು ಬೂಮಿಗೆ ಕಳಿಸ್ತಾನೆ ಅಂತ ಪ್ರತೀತಿಯೂ ಇದೆ . ಆ ಗಣಗಳು ಭೂಮಿಯಲ್ಲಿ ಕಾರ್ಣಿಕ ತೋರಿಸಿ ಇಲ್ಲೇ ಪೂಜಿಸಲ್ಪಟ್ಟವು, ಮುಖ್ಯವಾಗಿ ಗುಳಿಗ , ಪಂಜುರ್ಲಿ ಮುಂತಾಧ ದೈವಗಳು.

ನಾಗಾರಾಧನೆ

ನಾಗಾರಾಧನೆ ಎಂಬುದು ತುಳುನಾಡಿನಲ್ಲಿ ಬಹಳ ಪ್ರಾಚೀನವಾದ ಸರ್ಪಾರಾಧನೆಯ ಒಂದು ವಿಶೇಷ ರೂಪ. ಎಲ್ಲಿ ಮುಖ್ಯ ದೇವರು ನಾಗರಾಜ (ಸರ್ಪ) ಆನಂದಿಕಾಲದಿಂದಲೂ ನಾಗಾರಾಜನನ್ನು ಬನದಲ್ಲಿ ಪೂಜಿಸ್ತಾರೆ , ಈಗ ಅದು ಕಾಂಕ್ರೀಟ್ ಸ್ವರೂಪ ಬದಲಾಗಿದೆ .

ನಾಗಾರಾಧನೆ ಎಂದರೇನು?

ತುಳುನಾಡಿನ ಜನರು ಸರ್ಪವನ್ನು ಕೇವಲ ಪ್ರಾಣಿಯಂತೆ ನೋಡುವುದಿಲ್ಲ; ಅದರಲ್ಲಿ ದೇವರ ಶಕ್ತಿ, ಪರಂಪರೆ, ಪೂರ್ವಜರ ಆಶೀರ್ವಾದ ಇದೆ ಎಂದು ನಂಬುತ್ತಾರೆ. ನಾಗಾರಾಧನೆ ಸಾವಿರಾರು ವರ್ಷಗಳ ಹಿಂದಿನ ಪ್ರಕೃತಿ ಪೂಜೆಯಲ್ಲಿಂದ ಬಂದ ಪರಂಪರೆ. ಇದು ಮನುಷ್ಯ ಮತ್ತು ಪ್ರಕೃತಿ ಸಹಜೀವನದ ಸಂಕೇತ ಮತ್ತು ತುಳು ಪದ್ದನಗಳಲ್ಲೂ ಸರ್ಪದೇವರ ಕಥೆಗಳು ಹೆಚ್ಚು ಕಂಡು ಬರುತ್ತವೆ.

ಎಲ್ಲಿ ನಡೆಯುವ ವಿಶೇಷ ನಾಗರಾಜನ ಪೂಜೆ ಅಂದರೆ ” ನಾಗಮಂಡಲ“. ಈ ಅಷ್ಟ ಪವಿತ್ರ ನಾಗಮಂಡಲವನ್ನು ಸರ್ಪದ ರಂಗೋಲಿ ಬಿಡಿಸಿ , ನಾಗರಾಜನನ್ನು ದರ್ಶನಧ ಮೂಲಕ ಆವ್ಹಾನಿಸಿ ವಿಶೇಷ ನ್ರತ್ಯ ಮಾಡುತ್ತಾರೆ . ಇದು ಈಲ್ಲಿನ ವಿಶೇಷ ಸಂಸ್ಕೃತಿ .

ಯಕ್ಷಗಾನ – ತುಳುನಾಡಿನ ಸಜೀವ ಕಲಾಪಾರಂಪರೆ

ಯಕ್ಷಗಾನವು ತುಳುನಾಡಿನ ಸಂಸ್ಕೃತಿಯ ಪ್ರಮುಖ ರತ್ನ. ಇದು ನೃತ್ಯ, ಸಂಗೀತ, ವೇಷಭೂಷಣ, ಸಂಭಾಷಣೆ ಮತ್ತು ಭಾವಭಂಗಿಗಳ ಸಮನ್ವಯದಿಂದ ಕೂಡಿದ ಸಂಪೂರ್ಣ ರಂಗಕಲೆ. ರಾತ್ರಿ ಪೂರ್ತಿ ನಡೆಯುವ ಪ್ರದರ್ಶನಗಳು ಜನರಿಗೆ ಕಲೆ ಮಾತ್ರವಲ್ಲ, ಭಕ್ತಿ, ಕಥೆ, ನೈತಿಕ ಪಾಠಗಳನ್ನು ಕೂಡ ನೀಡುತ್ತವೆ.

ಯಕ್ಷಗಾನಕ್ಕೆ ಎರಡು ಪ್ರಮುಖ ಶೈಲಿಗಳಿವೆ:
✓ ಬದಗುತಿಟ್ಟು – ಶಕ್ತಿಯುತ ನೃತ್ಯ, ಗರಿಷ್ಠ ದೇಹಭಂಗಿಗಳು
✓ ತೆಂಕುತಿಟ್ಟು – ಮೃದುವಾದ ತಾಳ, ಸೊಗಸಾದ ನೃತ್ಯ

ಮಹಾಭಾರತ, ರಾಮಾಯಣ ಮತ್ತು ಪುರಾಣಗಳ ಕಥಾನಕಗಳನ್ನು ರಂಗಮಂದಿರದಲ್ಲಿ ಜೀವಂತವಾಗಿ ಪ್ರದರ್ಶಿಸುವ ಕಲೆ ಎಂದರೆ ಯಕ್ಷಗಾನ.
ಧ್ವನಿ, ಚಂಡೆ, ಮದ್ದಳೆ, ವೇಷ, ಅಲಂಕಾರ—all combine ಆಗಿ ಕಲಾಕ್ಷೇತ್ರದಲ್ಲಿ ಅದ್ಭುತ ದೃಶ್ಯ ರಚಿಸುತ್ತವೆ.

ಯಕ್ಷಗಾನ ಕೇವಲ ಕಲೆಯಲ್ಲ, ಅದು ತುಳುನಾಡಿನ ಸಂಸ್ಕೃತಿಯ ಶಕ್ತಿ, ಜನರ ಭಕ್ತಿ, ಪರಂಪರೆಯ ಗೌರವ.
ಇಂದಿಗೂ ದೇಶ-ವಿದೇಶಗಳಲ್ಲಿ ಜನವಿಶ್ವಾಸ, ಆಸಕ್ತಿ ಮತ್ತು ಪ್ರೀತಿಯನ್ನು ಗಳಿಸುತ್ತಿರುವ ಈ ಕಲೆ, ತುಳು ಸಂಸ್ಕೃತಿಯ ಶಾಶ್ವತ ಹೆಮ್ಮೆ.

ತುಳುನಾಡಿನ ಜನಜೀವನ – ಕಷ್ಟ, ಶ್ರಮ ಮತ್ತು ಪ್ರೀತಿಯ ಮಿಶ್ರಣ

ಈಲ್ಲಿನ ಮೂಲ ಕೆಲಸ ಅಂದರೆ ಅದು ಕೃಷಿ , ಮುಖ್ಯವಾಗಿ ಬತ್ತ, ಕೆಂಪು ಮೆಣಸು ಮತ್ತು ತರಕಾರಿ ಬೆಳೆಯುತಾರೆ. ಮೀನು ಹಿಡಿಯುದು ಇಲ್ಲಿನ ಬೆಸ್ತರ ಮುಖ್ಯ ಕಸುಬು , ಇಲ್ಲಿನ ಮತ್ಸ್ಯವೋದ್ಯಮ ಹೊರ ದೇಶಕ್ಕೂ ಎಕ್ಸ್ಪೋರ್ಟ್ ಆಗುಧು ಮತ್ತೊಂಧು ವಿಶೇಷ .

ನನ್ನ ಅಭಿಪ್ರಾಯ – ತುಳುನಾಡು ನನಗೆ ಯಾಕೆ ವಿಶೇಷ?

ನನಗೆ ತುಳುನಾಡು ಕೇವಲ ಒಂದು ಪ್ರದೇಶವಲ್ಲ. ಇದು:

• ರಕ್ತದ ಹತ್ತಿರ ನಿಲ್ಲುವ ಸಂಸ್ಕೃತಿ
• ಪ್ರೀತಿಯ ಮನುಷ್ಯರು
• ಇತಿಹಾಸದ ಹಾಡುಗಳು
• ತೆಂಗಿನ ಮರಗಳ ಜೊತೆ ಬೆಳೆದ ಜೀವನ
• ಮಳೆಯ ರಾಗದ ಸಂಜೆಯ ನೆನಪುಗಳು

ತುಳುನಾಡು ನನಗೆ ವೈಭವ ಮತ್ತು ಸಹಜತೆ ಎರಡನ್ನೂ ಕಲಿಸುವ ನೆಲ. ಇಲ್ಲಿ ಸಂಸ್ಕೃತಿ ಮಣ್ಣಿನಿಂದ ಹುಟ್ಟುತ್ತದೆ, ಹಾಡುಗಳು ಜನರ ಹೃದಯದಿಂದ ಹರಿದು ಬರುತ್ತವೆ, ಮತ್ತು ದೇವರು ಜನರ ಬದುಕಿನ ಭಾಗವಾಗಿರುತ್ತಾರೆ.

ಈ ನೆಲದ ಬಗ್ಗೆ ಬರೆಯಲು ಒಂದು ಜೀವನವೂ ಸಾಲದು. ಆದರೆ ನನ್ನ ಹೃದಯ ಹೇಳುವುದೇನಂದರೆ— ಇಲ್ಲೇ ಜೀವನ , ಇಲ್ಲೇ ಮರಣ .